Ракометарките на Металург Автокоманда не успеаја да минат уште една пречка во ЕХФ Купот откако по голема борба беа елимиираи од хрватски Сплит. Првиот дуел заврши без победник, 24-24, но кобен за македонскиот тим беше денешниот меч во Автокоманда што по голема борба беше загубен со минимални 25-26.
Како пресудно се покажа првото полувреме во кое ракометарките на Металург Автокоманда им дозволија на противничките од Хрватска целосно да доминираат и на одмор да заминат со убедливи 11-17. Македонскиот тим заигра далеку подобро во вториот дел, се спушти на два гола негатива, но Металург Автокоманда во самиот финиш стигна до 25-26, не успевајќи да стигне до посакуваното реми што ќе го одведеше двомечот во пенал-завршница.
Ива Божиноска беше во главна улога во македонскиот тим со девет погодоци, додека Коларовска го заврши мечот со седум постигнати гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
