Ракометарите на Металург го освоија третото место на 45. Интернационален турнир „Струга 2017“ славејќи во битката за бронзениот медал против Охрид со 33-28 (15-15).
По главно сосема израмнето прво полувреме, „металурзите“ создаа предност во првите десет минути од вториот дел и до шест голови разлика. Но, тоа не беше доволно да се осигура победата. Расположените охриѓани до 50. минута се вратија на само еден гол негатива (26-25) за неизвесна завршница која, на крајот, сосема заслужено им припадна на скопјани за конечни 33-28.
Најдобар кај Металург беше Божо Анѓелиќ со 7 гола, а шест погодоци запиша Илиќ. Кај охриѓани се издвоија Димитриевски и Кљаиќ со по пет постигнати гол.
Во битката за 5. место на турнирот, претходно, шведскиот Алингсас го победи домаќинот Струга со убедливи 46-18.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
