Словачкиот стопер Михал Пинтер е првото зимско засилување за екипата на Вардар. „Црвено-црните“ го ангажираат досегашниот стопер на Шкупи за ново име во одбранбените редови, каде што Вардарци имаа доста проблеми во есенскиот дел.
30-годишниот Пинтер во минатото играше и за Татран, Злате Моравце, а бил дел и од младинските селекции на Словачка.
Вардар во исто време преговара со уште неколку играчи. На „радарот“ е Влатко Стојановски од Работнички, како и голманите Илиев и Талески. Исто така можно е доаѓање и на повремениот репрезентативец Тодор Тодороски кој е пред напуштање на Романија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
