Полскиот голгетер Аркадиуш Милик е една од последните аквизации на италијанскиот великан, Јувентус. Тој беше запрашан дали може да направи споредба меѓу неговиот сонародник Роберт Левандовски со кој игра заедно во репрезентацијата и неговиот нов соиграч во „старата дама“, Србинот, Душан Влаховиќ.
Тој вели дека не може да се споредат овие двајца фудбалери бидејќи Србинот е на почеток на кариерата, а неговиот сонародник веќе е бренд во фудбалот.
„Тешко е да се споредат. Практично и не може да се направи споредба. Душан е многу млад, додека Роберт е во различен момент од кариерата. Двајцата се силни напаѓачи, головите говорат за тоа. Душан има 22 години и може и натаму да напредува, има голема иднина. Лева сепак има 34 години“, изјави Милик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
