Милосављев е МВП на СЕХА лигата за месец септември

Голманот на Вардар, Дејан Милосављев е прогласен за најдобар играч за месец септември во СЕХА регионалната лига.

Милосављев е еден од најзаслужните за одличниот старт на „црвено-црните“ оваа сезона, и во СЕХА лигата и во Лигата на шампионите. Српскиот голман доби најмногу гласови на социјалните мрежи од фановите па сосема заслужено го доби признанието – најдобар во првиот месец од новата сезона во регионалното натпреварување.

Вардар во месец септември во СЕХА лигата славеше против Железничар, Татран Прешов и Стеауа Букурешт.

Се вчитува...