Младинската екипа на Брера Струмица оствари историска победа во младинската Лига на шампиони, совладувајќи го тимот на Санта Колома од Андора со убедливи 3-0 во првиот натпревар. Ова воедно е и прв триумф за една македонска екипа во ова елитно фудбалско натпреварување.
Гостите пружија отпор во првото полувреме, а струмичани целосно ја скршија нивната одбрана во вториот дел. Херој на натпреварот беше Глигор Бучков, кој го отвори резултатот во 57. минута, а во 80. минута зголеми на 2-0. Конечните 3-0 и големата радост за Брера ги запечати Филип Кулески во 87. минута од средбата.
Реваншот меѓу Брера и Санта Колома се игра на 14 октомври од 15 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
