Македонскиот интернационалец Даниел Мојсов го постигна четвртиот свој гол во дресот на АЕК Ларнака оваа сезона во шампионатот на Кипар.
Мојсов стрелаше во денешното 32. коло од плеј-оф разигрувањето за титулата на Кипар, во ремито (1-1) на гостувањето против Анортозис. Македонскиот дефанзивец погоди во 45. минута за водство од 0-1 на АЕК Ларнака, а домашните израмнија во 46. минута со голот на Словакот Михаил Дуриш.
Целиот натпревар во нападот на АЕК го одигра и репрезентативецот Иван Тричковски.
По ова реми, АЕК Ларнака остана на четвртата позиција на табелата со 62 бода, додека Анортозис е на третото место со 65 бода. Лидер е Аполон со 76 бода, пред АПОЕЛ кој има 71 бод.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
