Баерн Минхен го совлада Лајпциг со 3-1 на денешниот меч од „Телеком купот“, но во фокусот на вниманието беше Џамал Мусиала, бисерот на баварскиот гигант кој колабираше пред крајот на натпреварот.
Мусиала влезе во игра во вториот дел, во 81. минута даде гол за Баерн, но само две минути подоцна ги загрижи сите на стадионот откако се онесвести на теренот.
Веднаш притрчаа соиграчите и членовите на медицинскиот тим на Баерн, го освестија германскиот плејмејкер, кој мораше да биде повлечен од игра. Според првите информации, не станува збор за сериозен проблем, туку за колабирање поради големата жештина на стадионот.
„Мило ми е што можам да кажам дека со Мусиала се е во најдобар ред. Се чини дека проблемот беше во жештината бидејќи деталните прегледи што беа извршени покажаа дека се е во најдобар ред со Џамал. Тој дефинитивно ќе одмори во следните неколку дена, но би требало да е фит за стартот на новата сезона“, истакнаа од лекарскиот тим на Баерн.
🚨 Bayern Münih’in genç yıldızı Jamal Musiala, Leipzig maçında sıcak havaya dayanamadı ve bayıldı.
• Tedavisinin ardından oyuna devam edemeyem Musiala doğrudan soyunma odasına götürüldü. pic.twitter.com/MgTpkaT89C
— Sokak Kedisi (@sokakkedisitv) August 15, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
