Долго време Реал Мадрид се обидуваше да го доведе Килијан Мбапе во својот тим. 23-годишниот Французин ги прифати условите на „кралевите“ и даде ветување дека ќе биде нивен нов член, но на крајот се премисли потпишувајќи нов договор со ПСЖ до 2025 година.
Многумина пишуваа дека Бензема му се налутил на Мбапе за овој негов потег, затоа што и самиот тој добил ветување од неговиот соиграч од репрезентацијата дека ќе играат заедно. Меѓутоа дека нивниот однос и натаму е добар покажува снимката на пристигнувањето на Бензема во кампот на француската репрезентација, која се подготвува за Лигата на Нации.
Откако Бензема се поздрави со сите и доби честитки за освоениот трофеј во ЛШ, стигна на ред и Мбапе кој со насмевка го дочека својот соиграч и му честиташе за освоениот трофеј.
Очигледно дека во Реал Мадрид веќе заборавија на Мбапе, а ова потврдува дека не е вистина се што пишуваа новинарите за нивниот нарушен однос.
Karim @Benzema a retrouvé tous ses coéquipiers 🤗 Le groupe est au complet ! #FiersdetreBleus pic.twitter.com/sqnP0lNN6y
— Equipe de France ⭐⭐ (@equipedefrance) May 30, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
