Кошаркарскиот клуб Монако би можел да го загуби и своето место во Еврокупот, откако му беше забрането да се натпреварува во професионалните лиги од француската кошарка поради финансиски проблеми.
Според германскиот новинар Руперт Фабиг, местото на Монако во Еврокупот би можел да го заземе Хамбург Тауерс. Хамбург настапуваше во Еврокупот во изминатите пет години, додека Монако беше сместен во групата Д со Бахчешехир, Манреса, Улм, Рома, Лиеткабелис, ПАОК и Балкан од Ботевград.
Монако, кој во последните години беше дел од Евролигата, се соочува со сериозни финансиски тешкотии, поради што го загуби местото во елитното натпреварување, кое му припадна на Бешикташ. Сега, слично сценарио би можело да се случи и во Еврокупот.
Правните застапници на Француската кошаркарска федерација го отфрлија планот според кој поранешниот НБА-кошаркар Џамал Мешбурн требаше да го купи и спаси Монако, бидејќи тој не ги доставил потребните документи навреме.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
