Жозе Мурињо не го крие задоволството што неговиот тим се врати на врвот на премиерлигашката табела „Спарси“ во исклучително тежок натпревар го совлада градскиот ривал Арсенал со 2-0, дуел за кој „спацијалниот“ имаше само пофални зборови и за противникот.
Тотенхем по неполни 24 часа се врати на чело на табелата, со два бода предност пред Челси и три повеќе од Ливерпул, но „црвените“ вечерва го играат дуелот со Вулверхемптон.
„Секако дека сме среќни, многу сме среќни. Го контролиравме мечот со добра одбрана, а Сон и Кејн… нивните реализации беа неверојатни. Во второто полувреме имавме проблеми, но мора да се истакне дека Арсенал е одличен тим, не ми е грижа кое место се на табелата, тие дефинитивно се одличен тим. Играа добро тактички, но ние бевме на висина на задачата. Зад нас се три тешки меча, со Сити, Челси и со Арсенал. Нормално е да се биде задоволен со четири бода против овие ривали, ние освоивме седум, така што навистина имаме причина да бидеме горди на себе. Искрено, баш е добро чувството да си на врвот, но свесни сме дека пред нас е уште многу работа“, истакна Мурињо.
Тотенхем во следното коло го очекува дуел со Кристал Палас, по што за 16 декември е закажано и дербито со Ливерпул на „Енфилд Роуд“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
