Крилниот напаѓач на Лајпциг, Јан Диоманде, ги договори личните услови со Реал Мадрид откако Пари Сен Жермен одлучи да се повлече од трката за еден од најбараните млади фудбалери во Европа.
19-годишниот репрезентативец на Брегот на Слоновата Коска беше мета на неколку европски гиганти ова лето.
Меѓу заинтересираните беше и Ливерпул, чија почетна понуда од 69 милиони фунти беше одбиена уште во јуни, додека ПСЖ исто така беше сериозен кандидат.
По неуспешните преговори, Ливерпул се сврте кон други засилувања, а потоа ПСЖ се откажа од конкуренцијата со Реал Мадрид.
Според извори блиски до преговорите, францускиот шампион испратил конечна понуда вредна 120 милиони евра во неделата, но и таа била одбиена.
Во меѓувреме, Реал Мадрид постигнал договор со Диоманде за лични услови.
Наводно, договорот е моделиран според оној на англискиот репрезентативец Џуд Белингам, со значителни бонуси поврзани со перформансите на теренот, што би го зголемило приходот на играчот од година во година.
Се очекува мадридскиот клуб да издвои повеќе од 117 милиони евра за трансферот.
Диоманде пристигна во Лајпциг минатото лето од шпански Леганес, со кого потпиша петгодишен договор.
Според информации од Шпанија, главните луѓе задолжени за трансфери во Реал Мадрид, Хозе Анхел и Јуни Калафат, го следат развојот на Диоманде околу пет години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
