Менаџерот на Манчестер јунајтед, Жозе Мурињо порача дека во јануарскиот преоден рок нема да доведуваат засилување во одбраната.
На престојниот Куп на нациите во Африка ќе настапи и стандардниот дефанзивец на „црвените ѓаволи“, Ерик Бејли, но Мурињо потенцира дека тоа не е причина да се носи нов стопер.
„Нема да носиме нов стопер во јануари затоа што не ни е потребен. Ќе чекаме да се врати Бејли. Веќе имаме тројца стопери кои можеме да ги ротираме. Тука е секако и Блинд како четврта опција“ – вели Мурињо.
Со ова и дефинитивно се става крај на шпекулациите дека „црвените ѓаволи“ ќе ги засилат своите редови со Линделоф од редовите на Бенфика.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
