Жозе Мурињо ќе ги разреши сите дилеми околу иднината потпишувајќи нов договор со Манчестер јунајтед до 2021 година. Како што јавуваат британските медиуми, сите детали се договорени, а „специјалниот“ го добил она што го посакувал – богат договор од 15 милиони фунти и огромен буџет за засилувања.
Актуелниот договор на Мурињо со Јунајтед истекуваше до јуни 2019 година, но во ситуација кога ПСЖ подготвуваше мегапонуда челниците на гигантот од „Олд трафорд“ реагираа и решија што поскоро да го решат тренерското прашање на подолг рок.
Покрај платата од 15 милиони фунти, Мурињо ќе има богат буџет за нови фудбалери во летниот преоден рок, а во меѓувреме во јануари за подарок ќе го добие и Алексис Санчез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
