Немања Милошевиќ најдоброто од себе го сочува за самиот крај од сезоната, откако крилниот центар доминираше во завршните пресметки со Пелистер и заслужено го доби признанието за МВП во финалната серија.
Тој го заврши денешниот четврти меч од финалето со фантастични 31 поен, шест скока и четири украдени топки, помагајќи да се направи „брејк“ и титулата да се запечати на гостински терен во Битола.
„За нас ова беше одлична сезона, крунисана на најдобар можен начин – со освојување на титулата. Честитки до тренерите, играчите и целокупната управа на МЗТ Скопје. Мене ми беше чест да бидам дел од оваа екипа, која има далеку поголемо срце од сите останати. Голема благодарност и до навивачите кои ни даваа голема поддршка на секој натпревар“, истакна Милошевиќ за ЕКИПА.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
