Тренерот на МЗТ Скопје, Александар Тодоров се соочува со сериозни проблеми во пресрет на дуелот против Будуќност, откако покрај Минчев на повреда се пожали и репрезентативецот Бојан Трајковски. Крилниот центар веќе извесно време влече незгоден проблем со мускулот на ногата, но болката во последно време станува се посериозна. Тој настапи повреден и против Будуќност и против Гостивар, но во последните два дена воопшто не тренира со остатокот од тимот.
„Металците“ се во исчекување на резултатите од деталните лекарски прегледи, но голема е веројатноста дека Трајковски нема да биде ризикуван, се со цел да биде одморен за следните натпревари.
Воедно, оваа повреда речиси сигурно ќе го оддалечи Трајковски и од настап за македонската репрезентација во претстојните квалификации за ЕП 2021 против селекциите на Словачка и на Швајцарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
