Во заостанатиот натпревар од 6. коло во Првата кошаркарска лига, МЗТ Скопје убедливо славеше против Академија ФМП со 95-61.
„Металците“ од самиот почеток се стекнаа со предност која само ја зголемуваа низ текот на натпреварот. Во третата четвртина и дефинитивно беше скршен отпорот на противникот, откако тимот од Аеродром ја доби со 27-12.
Шанса на натпреварот кај МЗТ Скопје добија буквално сите расположиви кошаркари, од кои десет се запишаа во листата на стрелците. Најефикасни беа Мекиќ и Крстевски со 17 постигнати поени, а со 15 поени мечот го заврши Дамјан Стојановски. Во поразениот тим Харис заврши со 13 поени и седум скока.
За МЗТ Скопје ова беше дванаесетти натпревар сезонава, запишувајќи ја и осмата победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА