Кошаркарите на МЗТ Скопје победија и на вториот пријателски меч против романска Крајова (81-69). Во седмиот контролен дуел пред стартот на сезоната „металците“ ја запишаа и шестата победа.
Триумфот беше осигуран со серијата 9-0 во втората половина од последната четвртина за прво двоцифрено водство (70-60), кое потоа македонскиот шампион го одржа до самиот крај.
Џабари Хиндс беше најефикасен во сино-белиот тим со 24 поени, на кои додаде четири украдени топки и три скока. Марко Симоновски постигна 17 поени, Дамјан Стојановски беше стрелец на 12, Бојан Крстевски на 11 поени, додека Нуни Омот реализира осум, а Андреј Магдевски пет поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
