Ситуацијата со пандемијата од коронавирусот ги одложи Летните олимписки игри во Токио за една година. Сепак, и понатаму стои голем знак прашалник што ќе се случи и следното лето, бидејќи и понатаму безбедноста не е на највисоко ниво. Едно од сценаријата е и тоа натпреварувањата да поминат без публика. Тоа е веројатно најлошото можно сценарио, полошо дури и од тоа игрите да бидат откажани. Дека постои таква можност најави и претседателот на Меѓународниот олимписки комитет (ИОК), Томас Бах.
„Сигурноста е главната грижа на организаторите во Токио. Олимписки игри зад затворени врати очигледно е нешто што не сакаме. Работиме на решение кое од една страна ќе го чува здравјето на сите, а од друга ќе го одржува олимпискиот дух“, изјави Бах.
Игрите во Токио според сегашниот план треба да се одржат во периодо од 24. јули до 9. август следната година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
