Македонските ракометни судии Ѓорѓи Начевски и Славе Николов и оваа година судат на највисоко ниво на терените ширум Европа, па сосема очекувано е најдоа во финалето на изборот за „Најдобри судии во 2023 година“, во организација на порталот „Хендбол Планет“.
Организаторот на изборот го објави изборот на финалисти, па Начевски и Николов за противници во оваа трка ќе ги имаат Новотни и Хорачек од Чешка, потоа Лах и Сок од Словенија, како и Шулце и Тонис од Германија. Во гласањето учествуваат ракометните фанови ширум Европа, но и стручно жири од новинари од десет различни држави, од кои Македонија ја претставува колегата од специјализираниот ракометен портал „Г-Спорт“, Ристо Ѓамовски.
Начевски и Николов беа први победници на овој избор во 2016 година. Ланската година ова признание им припадна на Хрватите Губица и Милошевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
