Рафаел Надал ја продолжува својата доминација на АТП турнирот во Акапулко, Мексико, стигнувајќи до финалето и оваа година откако претходно го освои во 2005 и во 2013 година.
Во полуфиналната пресметка Надал го „здроби“ хрватскиот тенисер Марин Чилиќ победувајќи за помалку од час и половина со 6-1,6-2. Рафа покажа дека е „Крал на Акапулко“ со 14-та победа на турнирот каде досега не загубил ниту еден меч.
Во финалето Надал ќе се соочи со Американецот Сем Квери кој во три сета, со 3-6,6-1,7-5, беше подобар од Ник Киргиос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
