Рафаел Надал со тешка победа го стартуваше походот на титулата на АТП Мастерс 1000 турнирот во Париз. Во шпанското дерби тој го совлада Фелисијано Лопез по пресврт со 2-1 (4-6, 7-6 и 6-4). Повозрасниот Шпанец одлично го стартуваше мечот, направи брејк во првиот гем и успеа да го задржи до крајот за освојување на првиот сет со 6-4.
Во тешка и рововска битка која заврши во тај-брејкот во вториот сет Надал израмни на 1-1, а во решавачкиот сет беше доволен само еден брејк за конечен триумф. Со оваа победа Надал стигна до 1000 АТП победа, со која влезе во друштво на Џими Конорс, Роџер Федерер и Иван Лендл.
Надал во осминафиналето кое е на програмата утре ќе се сретне со Џордан Томпсон од Австралија кој беше подобар од Хрватот, Борна Чориќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
