Реката Фицрој, во која има околу 500 крокодили, денеска официјално доби одобрение да биде домаќин на натпреварите во веслање и во кану на Олимписките и Параолимписките игри во 2032 година кои ќе се одржат во Бризбејн, Австралија, објави Би-би-си.
Би-би-си истакнува дека при проценката не се земени предвид крокодилите, наместо тоа, се анализирало „како патеката би функционирала во различни услови – вклучувајќи ги временските прилики, нивото на водата и ризикот од поплави.
Извештајот е изготвен по нарачка на Управата за инфраструктура и координација на Игрите, од каде што посочија дека локацијата за веслање на мирни води на реката Фицрој веќе служи како место за тренинзи и натпревари.
Реката Фицрој тече на околу 600 километри северно од Брисбејн, а изборот предизвика контроверзи поради силните речни струи, 500-те крокодили, и ризикот од поплави.
Неколку илјади Австралијци потпишаа петиција со која бараат да се преместат натпреварувањата во веслање во наменски изграден објект за ЛОИ 2032 кој е многу поблиску до Бризбејн.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
