Легендарниот уругвајски репрезентативец Луис Суарез повторно е достапен на трансфер маркетот откако пропадна неговиот договор со Ривер Плата. Причина за истото е елиминацијата на аргентинскиот тим од Копа Либертадорес, а амбициите на искусниот голгетер остануваат високи.
Тоа го потврди и поранешниот фудбалер на Национал, Гронинген, Ајакс, Ливерпул, Барселона и Атлетико Мадрид.
„Големи беа шансите да заминам во Ривер и покрај тоа што сакав да останам во Европа, но откако беа елиминирани од Копа Либертадорес договорот пропадна“, изјави Уругваецот.
Триесетипетгодишникот со огромно искуство е на радарот не неколку европски великани меѓу кои и Баерн Минхен по голема желба за заминување на Роберт Левандовски, но според шпанските медиуми големи се шансите да го продолжи договорот со Атлетико Мадрид на уште една сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА