Сојузот на навивачки групи од целиот свет покрена петиција со која се бара оставка од претседателот на Светската фудбалска федерација (ФИФА), Џани Инфантино, откако тој се обиде да продаде дел од светските натпреварувања на приватни инвеститори.
Петицијата, која го користи хаштагот „#InfantinOut“, повикува на реформи во ФИФА за „никогаш повеќе да не се повтори сегашното фијаско“.
„Срамниот обид на еден човек самиот претседател на ФИФА да го продаде Светското првенство на приватни инвеститори, откри предавство што фудбалот никогаш нема да го заборави“, се наведува во петицијата.
Меѓу групите што ја поддржуваат иницијативата се „Soccer Supporters of Europe“, „Soccer Supporters of Africa“ и „Independent Supporters’ Council“ од Северна Америка, како и околу 40 национални навивачки здруженија од целиот свет.
Инфантино ја загуби поддршката од Европската фудбалска федерација (УЕФА), Азиската фудбалска конфедерација (АФЦ) и Конфедерацијата на Северна и Централна Америка и Карибите (КОНКАКАФ) поради плановите да продаде 20 отсто од комерцијалните права на Светското првенство на приватни инвеститори.
„Џани Инфантино покажа целосен неуспех во раководењето, што е неспоиво со демократското управување. Концентрацијата на моќ околу претседателската функција во ФИФА, проследена со нетранспарентно носење одлуки, клиентелизам, култ на личноста и целосен недостиг на одговорност, ја уништија секоја преостаната доверба во светското раководно тело“, се вели во петицијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
