НБА лигата објави краткорочни мерки кои се однесуваат на заштитa на играчите и на сите инвловирани во натпреварите од коронавирус. Меѓу препораките кои лигата им ги даде на играчите е и тоа да не се поздравуваат и ракуваат со навивачите како и да не земаат пенкала, моливи, дресови и качкети од навивачите за да даваат автограми.
Ако во иднина осtane опасноста од вирусот, НБА ќе преземе и други мерки како ограничување или потполно откажување на меѓународните скаутиг настани, настаните кои му претходат на драфтот како и на тренинг камповите. Лигата и Националното здружение на играчите овие одлуки ги донеле во консултации со Националниoт центар за контрола на заразни болести и превенција на вируси.
„Коронавирусот останува ситуација која може забрзано да ескалира и да се промени. Здравјето на нашите вработени, на тимовите, играчите и на навивачите е на прво место. Соработуваме со тимовите, се консултираме со наделжните за инфективни болести и продолжуваме да следиме се што се случува“ – стои во соопштението од Лигата.
Дел од играчите во НБА, како Си Џеј Меколум на социјалните мрежи веќе најавија дека некое време нема да даваат автограми, додеkа Кемба Вокер пак вели дека нема да се откаже од потпишувањето, но дека ќе си носи свое пенкало.
The Corona Virus has officially hit Oregon. More specifically Lake Oswego…Make sure y’all washing y’all hands with soap for 20 or more seconds & covering ya mouths when you cough. I am officially taking a break from signing autographs until further notice.
Sincerely,
CJ
— CJ McCollum (@CJMcCollum) February 29, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА