Бразилската ѕвезда Нејмар заработи полесна повреда на десниот лист, но неговиот настап на претстојното Светско првенство засега барем не е загрозен, пренесуваат бразилските медиуми.
Клупскиот лекар на Сантос, Родриго Зогаиб, потврди дека се работи за оток кој нема да ги наруши плановите на искусниот 34-годишен напаѓач, но сепак чекаат да видат како ќе тече рехабилитацијата.
Според лекарските проценки, тој веќе следната недела треба да и се приклучи на репрезентацијата на Бразил, но ќе тренира со помал интензитет.
Фудбалерот во моментов го одработува закрепнувањето во тренинг-центарот на Сантос. Процесот се одвива под будно око на неговиот личен медицински тим, како и под строг надзор на лекарите од Бразилската фудбалска конфедерација (CBF), со цел тој да биде максимално подготвен за мундијалските предизвици.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
