Нека биде како пред осум години: Пандев знае како се победува во Струмица (ВИДЕО)

Македонскиот капитен Горан Пандев вторпат во својата кариера во националниот дрес ќе биде во својата родна Струмица. За првпат на квалификациски натпревар вечерва од 20:45 часот против Албанија, по оној претходен пријателски натпревар против Канада кој на стадионот „Младост“ го одигравме во ноември 2009 година.

Без сомнение и Пандев и целокупната македонска јавност посакуваат повторување на тој 14. ноември од 2009 година кога славевме со 3-0 против Канаѓаните. А, најдобриот македонски фудбалер тогаш беше стрелец на два погодоци, и двата со удар од белата точка во второто полувреме… Првиот гол го постигна доскорешниот тренер на Вардар, Гоце Седлоски.

„Најмалку ми е важно дали сега ќе постигнам гол, но единствено силно посакувам победа на денешниот натпревар. Многу би ми значела победа во Струмица, со која би ја израдувале целокупната македонска јавноста“ – вели Горан Пандев.

Па, нека биде како пред осум години во Струмица…

Интересно е дека ова лето Струмица беше и тоа како среќно за македонските тимови. На натпреварите од квалификациите за Лигата на шампионите односно Лигата на Европа играа Вардар и Шкендија, извојувајќи четири победи. „Вардарци“ против шведски Малме, а Шкендија против молдавска Дачија, фински Хелсинки и Тракаи од Литванија.

Се вчитува...