Македонскиот интернационален судија Игор Стојчевски, ќе ја дели правдата на реванш натпреварот од 2. квалификациско коло во Лигата на Конференции помеѓу Пјуник и Дебрецен кој ќе се одигра во Ереван.
Негови помошници ќе бидат Филип Ицковски и Дарко Јовчевски, додека чегврти судија ќе биде Бенјамин Ќерими.
Влатко Илиоски, кој го судеше натпреварот помеѓу Вардар и Брегалница, ќе ја дели правдата во Вилнус, на мечот помеѓу Жалгирис и Динамо Дбилиси. Него ќе му помагаа Куштрим Лика и Даниел Василевски, додека четврти судија ќе биде Александар Василевски.
Поранешниот судија Димитар Мечакровски, пак, ќе биде контролор на мечот Тобол – Панавезис во 2. квалификациско коло во Лигата на Конференции. Дејан Јакимовски ќе биде контролор на мечот Петрокуб со Борац Бања Лука, додека ангажман ќе има и за Александар Ставрев кој е делегиран како контролор на мечот помеѓу Нордсјиланд и Гаис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
