Напаѓачот на Реал Мадрид, Лука Јовиќ летово ќе го напушти клубот од главниот град на Шпанија, тврди новинарот Николо Скира. Фиорентина неодамна покажа интерес за српскиот репрезентативец, кој би сакал да го доведе Јовиќ на позајмица, но нема можност да му ја покрие целата годишна плата во износ од 6 милиони евра.
Претходно медиумите пишуваа и за интерес на клубови од Германија и Англија. Во летото 2019 година, 24-годишниот Јовиќ премина од Ајнтрахт Франкфурт во клубот од стадионот „Сантијаго Бернабеу“ во трансфер вреден 63 милиони евра.
Минатата сезона Јовиќ беше во втор план во редовите на шампионот на Европа и Шпанија, а на 19 натпревари во сите натпреварувања постигна само еден гол и три асистенции. Српскиот фудбалер има договор со Мадрид до 20 јуни 2025 година, а специјализираниот портал „Трансфермаркт“ неговата моментална вредност ја процени на 16 милиони евра.
Luka #Jovic will leave #RealMadrid this summer: as reported on Wednesday he has been offered to #Fiorentina, which are evalutating this possible signing on loan. His salary is very high, but Real could pay a part of €6M/year. #transfers @violanews https://t.co/dWbVUOBjSl
— Nicolò Schira (@NicoSchira) June 17, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
