Јувентус нема да добие службена победа против Наполи, туку мечот ќе биде одигран најверојатно на 13 јануари следната година. Но, Наполи нема да остане неказнет поради недоаѓањето во Торино и ќе му биде одземен еден бод. Ова е одлуката што треба да ја донесе Серија А за неодиграниот меч меѓу Јувентус и Наполи.
Според пропозициите, Јувентус требаше да добие три бода и службена победа од 3-0 поради тоа што Наполи одлучи да не се појави во Торино. Тие имаа два позитивни случаи на коронавирус, македонскиот репрезентативец Елиф Елмас и Полјакот Зјелински, но останатите фудбалери беа во задолжителен карантин.
Се очекува Јувентус да достави жалба на оваа одлука доколку биде и официјално усвоена од Серија А.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА