Поради „густиот“ календар речиси во текот на целата сезона, кошаркарите играа натпревари на два-три дена, но сега во плеј-офот од АБА лигата гледаме сосема поинаков тренд. Четвртфиналните натпревари се одиграа практично на седум дена, за што зборуваше и Жељко Обрадовиќ откако Партизан „поведе“ против Спартак со 1-0, додека сега гласот го крена и Немања Недовиќ бидејќи Звезда се пласираше во полуфиналето и треба да го чека дуелот со Будуќност.
Серијата започнува дури на 23. мај, а поради толку долго чекање, реагираше Немања Недовиќ кој распали по раководството на регионалното натпреварување.
„10 дена меѓу четвртфинале и полуфинале?! За 10 дена се игра цела серија до четири победи“, Немања Недовиќ го спореди системот на натпреварување во АБА лигата, очигледно, со НБА лигата, каде што се игра по „забрзан систем“, додека сезоната овојпат ќе биде подолга на Јадранот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
