Со тројка на 0,4 секунди пред крајот и 50 поени, Демијан Лилард беше клучната алка во победата од 118-115 на Портланд над Оклахома во драматичниот петти натпревар од серијата од првото коло во Западната конференцја. Портланд ја добива првата рунда со 4-1 во победи и ќе го чека исходот од серијата меѓу Денвер и Сан Антонио во која „нагетс“ поведоа со 3-2 откако славеа во петтиот дуел со 108-90.
Оклахома на осум минути пред крајот имаше 15 поени разлика и изгледаше дека ќе успее да си го пролонгира престојот во разигувањето, но Си Џеј Мекалум и Морис Харклес го вратија Портланд во игра, а Лиларг ја запечати победата.
Damian Lillard (50 PTS) buries the three for the #TissotBuzzerBeater and the @trailblazers advance to the Western Conference Semifinals with the 118-115 Game 5 victory! #ThisIsYourTime #RipCity#NBAPlayoffs pic.twitter.com/cVqLJkHLR4
— NBA (@NBA) April 24, 2019
Серијата меѓу Денвер и Сан Антонио за шестиот натпревар се сели во Тексас. Денвер ќе се обиде на гостински терен да обезбеди пласман во полуфиналето, додека „спарс“ пред своите навивачи ќе бараат трета победа и мајсторка во серијата од првото коло.
Во Источната конференција, Торонто со 4-1 во победи го мина Орландо во првото коло и обезбеди полуфинална серија против Филаделфија која со идентични 4-1 го доби воведното коло од разигрувањето против Бруклин, Во петтите напревари од сериите, Торонто го победи Орландо со 115-96, а Филаделфија славеше над Бруклин со 122-100.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
