Американскиот тенисер Франсис Тијафо се пласираше во полуфиналето на Отвореното првенство на САД, откако ја имаше една од најимпресивните победи во својата кариера.
Во четвртфиналето на УС Опен, Американецот ја надмина негативата од два сета, а потоа во петтиот сет ја анулира негативата од 0-3, победувајќи го сонародникот Алекс Микелсен во спектакуларен натпревар.
По губењето на првите два сета, Тиафо направи одличен пресврт пред полните трибини на стадионот „Артур Еш“ и победи со 5-7, 3-6, 7-5, 6-3, 7-6 (10-6), во дуел кој траеше дури четири часа и 38 минути.
Во третиот сет, Микелсен сервираше за добивање на мечот на 5-4, но не успеа да ја искористи големата можност. За време на средбата, тој имаше предност неколку пати, но Тијафо успеа да најде начин да се врати во натпреварот.
Тијафо претходно двапати стигна до полуфиналето на Отвореното првенство на САД, во 2022 и 2024 година, а сега е меѓу првите четири играчи на турнирот во Њујорк по третпат во својата кариера.
What sports are all about. pic.twitter.com/iumVdj9Spb
— US Open Tennis (@usopen) September 8, 2026
Со тоа, тој стана првиот американски тенисер на овој век кој три пати стигнал до полуфиналето на Отвореното првенство на САД, по Андре Агаси, кој го стори тоа во 2002, 2003 и 2005 година.
28-годишниот Тијафо ќе се соочи со дуел во полуфиналето против бранителот на титулата и трет рангиран тенисер во светот Карлос Алкараз или сонародникот Бен Шелтон.
Тијафо досега еднаш играл против Алкараз на Отвореното првенство на САД, додека Шелтон се сретнал двапати.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
