Новото засилување на Реал Мадрид, Бернардо Силва, изјави дека воопшто не размислувал кога ја добил понудата од шпанскиот гигант, нагласувајќи дека ваква можност не се пропушта.
„Беше невозможно да му кажам ‘не’ на Реал Мадрид. Кога ќе ве повика најголемиот клуб во светот, таква шанса едноставно не се одбива“, изјави португалскиот репрезентативец.
Силва истакна дека е свесен за огромните очекувања кои ги носи дресот на „кралевите“, но токму тоа претставува дополнителна мотивација за него.
„Знам колку се големи очекувањата во овој клуб и токму тоа ме мотивира. Сакам да освојувам трофеи, да напредувам и да му помогнам на тимот да продолжи со победите“, додаде тој.
Португалецот пристигнува во Мадрид по успешен период во Манчестер Сити, каде освои бројни домашни и европски трофеи. За првпат во кариерата ќе настапува во шпанската Ла Лига, а во Реал веруваат дека неговото искуство, креативност и разновидност ќе бидат големо засилување во борбата за сите трофеи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
