Поранешниот македонски селектор Игор Ангеловски продолжува со очајната серија на клупата на хрватската Горица која денеска во 16. коло од хрватскиот шампионат запиша нов пораз, овој пат со 1-0 на гостувањето против Истра.
Домашните до триумфот дојдоа со голот на Бакрар во 91. минута од средбата. Во второто полувреме за Истра настапи и македонскиот десен бек, Филип Антовски.
Ова е десетти натпревар во низа за Ангеловски кој никако не може да дојде до прва своја победа откако ја презеде тренерската функција во Горица. Во десет меча има неверојатна серија од осум порази и само две ремија.
Istra 1961 1-0 Gorica (90+1')
🇩🇿Monsef Bakrar for the win!!!!!!!!!!! pic.twitter.com/N4aAF9DmyJ
— Everything About HNL (@AboutHnl) November 4, 2022
Горица, пак, се закова на последната позиција на табелата со освоени само 7 бода во 16 натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
