Кошаркарите на МЗТ Скопје на убедлив начин се пласираа во полуфиналето на Купот „Благоја Георгиевски – Буштур“ кој се одржува во Гевгелија, откако во четвртфиналната пресметка лесно славеа против Работнички со 97-63.
Уште од првата четвртина која аеродромци ја добија со 22-16 беше јасно дека нема да дозволат никакво изненадување на натпреварот. Следниот период од играта уште поубедливо (23-12) му припадна на МЗТ Скопје и веќе беше сосема јасно кој ќе ја однесе победата.
Во второто полувреме само рутински се одржуваше и зголемуваше предноста за конечна победа од +34 поени (97-63).
Едвин со 16 поени и Маслинко со 14 постигнати поени беа најефикасни во победничкиот тим, а Копривица и Петков завршија со по 13 поени. Кај Работнички се издвои Капетановиќ со 16 поени и пет скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
