Нант се зацврсти на второто место на табелата во француското првенство, зад недопирливиот ПСЖ, откако тимот на нашиот Кире Лазаров славеше на гостувањето против Кретеј со 31-35.
Пеколниот ритам на натпревари по дуелот од Лигата на Европа продолжува, но Лазаров и соиграчите не дозволија „кикс“ на домашната сцена, контролирајќи го резултатот и заслужено стигнувајќи до победата. Кретеј пред самиот крај опасно се приближи на само еден гол разлика, но Нант покажа квалитет кога беше најважно, се одлепи на конечните „плус четири“ и прокнижи значајни бодови.
Кире Лазаров немаше свој ден во нападот, ги промаши двата обиди кон противничкиот гол, а зад неговото име останаа запишани две асистенции и две загубени топки. Најефикасни во таборот на Нант беа Ривера со десет и Овничек, Брие и Мин со по четири погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
