Рафаел Надал го снајде нов малер, а овој пат шпанскиот ас јавно објави дека е позитивен на корона вирусот со кој се заразил во Абу Даби, каде што тренираше претходните денови и играше на егзибициски турнир. Веднаш штом слета во татковината, Надал замина на тест на корона, кој покажа дека е позитивен.
Процедурата е позната, Надал ќе мора да биде во карантин, ќе мора да мирува, па поради тоа нема да може да тренира.
„Сакам да објавам дека бев тестиран по враќањето дома од турнирот во Абу Даби и дека мојот ПЦР тест на Ковид беше позитивен. Минувам низ некои не многу пријатни моменти, но верувам дека чекор по чекор ќе се опоравам. Сега сум дома во карантин, ги известив сите луѓе со кои бев во контакт. Како последица на оваа ситуација, ќе морам да бидам тотално флексибилен со распоредот. Ќе ги анализирам опциите во наредните денови и ќе ве информирам за одлуките што ќе ги донесам во однос на турнирите“, изјави Надал.
Шпанецот имаше долга пауза, не играше од Ролан Гарос до пред неколку дена кога одигра два меча на кои доживеа два порази.
🚨 ÚLTIMA HORA
🥎 Rafa Nadal anuncia que ha dado positivo en COVID-19
🗣️ “Tras disputar el torneo de Abu Dhabi, he dado positivo por COVID en la prueba PCR que se me ha realizado al llegar a España”
🎙️ Informa @PedroFullanaSER pic.twitter.com/HvOBpgPOpJ
— Carrusel Deportivo (@carrusel) December 20, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
