Со 33-от трипл-дабл во кариерата, Никола јокиќ се проби на 10-то место на вечната листа во НБА лигата израмнувајќи се со Боб Коузи и му помогна на Денвер да забележи победа од 109-100 над Минесота. Џамал Мареј беше прв стрелец во тимот со 28 поени. За Денвер ова е петта последовна победа, 19-те вкупно сезонава, има и осум порази и сега е на вторто место во Западната конференција зад Лос Анџелес Лејкерс, а пред Лос Анџелес Клиперс.
И во отсуство на Лука Дончиќ, Далас забележа тирумф против Филаделфија. Славеше на гостувањето со 98-117, а главниот збор го имаше Кристап Порзингис кој постигна 22 поени, а имаше и 18 скока. Далас е на вкупен биланс 19-9 и е на четвртото место во Западната конференција. Филаделфија кај која Џоел Ембид имаше 33 поени и 17 скока е на шестата позиција на Исток со ефект од 20 победи и 10 порази.
НБА резултати:
Кливленд – Мемфис 114:107, Индијана – Сакраменто 119:105, Бостон – Детроит 114:93, Торонто – Вашингтон 122:118, Мајами – Њујорк 129:114, Оклахома – Феникс 126:108, Портланд – Орландо 118:103, Голден стејт – Њу Орлеанс 106:102.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА