Уште една неверојатна партија на Џејмс Харден за Хјустон во еден од синоќешните седум натпревари од НБА лигата. Хјустон на домашен терен славеше против ЛА Клиперс со 102-93, а Харден постигна речиси половина од поените за својот тим.
Харден мечот го заврши со 47 поени, седум асистенции и шест скока со 12 погодени шута од 26 обиди. На Клиперси не им помогна ниту Каваи Леонард кој заврши со 26 поени, 12 скока и седум асистенции.
ЛА Лејкерс во „Стејплс центарот“ лесно славеа против Голден Стејт со 120-94. До триумфот ги водеше Леброн Џејмс со 23 поени и 12 асистенции, а кај Вориорс подобар од останатите беше ДеАнџело Расел со 21 поен.
Актуелниот шампион Торонто стигна до осмата победа сезонава на гостувањето против Портланд со 106-114. Сиакам постигна 36 поени.
Најдобар скор досега во лигата има Бостон кој до деветтата едноподруго победа дојде со триумфот против Вашингтон од 140-133.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА