Извонредниот словенечки кошаркар Лука Дончиќ со уште една своја магија се запиша во историјата на НБА. Дончиќ синоќа сам го победи Њу Орлеанс по продолжението со 127-123, запишувајќи го 21-от „трипл-дабл“ во кариерата.
Лука повторно беше фантастичен постигнувајќи 30 поени, дополнети и со 17 скока и 10 асистенции, единствениот кошаркар за кого Пеликанс немаа решение. Кај Њу Орлеанс се издвои Инграм со 27 поени, а Зион Вилијамсон постигна 21 поен.
Во останатите мечеви, Кливленд загуби на домашен терен од Бостон со 106-112, додека Бруклин доживеа катастрофален пораз од Мемфис со 79-118. Детроит загуби од Оклахома со 107-114, Милвоки беше подобар од Индијана победувајќи со 119-100 а Мајами го совлада Орландо со 116-113. Јута на гостински терен славеше против Њујорк со 104-112, Минесота го победи Чикаго со 115-108 а Портланд беше подобар од Вашингтон победувајќи со 125-104.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА