Уште една неверојатна партија на Лука Дончиќ. Словенечкото чудо руши рекорд до рекорд, не пропуштајќи да го воодушеви кошаркарскиот свет и во синоќешниот натпревар против вицешампионот Голден Стејт.
Далас тотално ги уништи оваа година очајните Вориорс со 142-94, а тоа што Лука го приреди е повеќе од неверојатно. За само 25 минути и 30 секунди во игра стигна до „трипл-дабл“ од 35 поени, 11 асистенции и 10 скока запишувајќи се повторно во историјата како играч со најмалку минути на паркетот кој стигна до „трипл-дабл“ со повеќе од 30 поени.
„Тој е посебен играч со посебна улога. Што можам повеќе да ви кажам? Ова повеќе не е никаква вест, се е тоа нормално“ – изјави по натпреварот тренерот на Далас, Рик Карлајл.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА