Јувентус со многу мака успеа да стигне до еден бод на домашниот натпревар против Верона (1-1), уште еден доказ за слабата форма на тимот на стартот на сезонава под водство на Андреа Пирло. Дејан Кулушевски го спаси Јуве од целосна бламажа постигнувајќи гол за израмнување, но актуелниот првак немаше сили за целосен пресврт на овој натпревар.
Од самиот почеток стана јасно дека Верона ќе му создава огромни проблеми на Јувентус, откако домашните фудбалери имаа многу мака да одговорат на пресингот на гостинскиот состав. Верона промаши неколку шанси, за Јуве да заигра подобро пред крајот на полувремето. Квадрадо промаши зицер тресејќи ја гредата од голот на гостите, за Мората во самиот финиш да постигне гол, но истиот да биде поништен со ВАР поради милиметарски офсајд.
Верона поведе преку Фавили во 60. минута, по одлична акција на избраниците на Јуриќ по една почетнички загубена топка на Бернардески на сопствената половина. Јувентус тргна во тотална офанзива, Дибала ја погоди гредата, пред Кулушевски да круниса една прекрасна соло-акција со гол за израмнување, што сепак се покажа недоволен за целосен пресврт.
⚽️GOAL!!
Juventus 0-1 Verona – Andrea Favilli 60′ #JuveVeronapic.twitter.com/kFddC5lZal— noobfcb (@noobfcb) October 25, 2020
GOLAÇOOOO! Kulusevski empata o jogo com esse belíssimo gol.
Juve 1-1 Verona.
— Central CR7 (@Central_CR7) October 25, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА