Актуелниот шампион во НБА лигата, Денвер нагетс се уште останува непоразен на стартот на новата сезона откако синоќа славеше на домашен терен против Јута џез со 110-102.
Никола Јокиќ со нов трипл-дабл учинок од 27 поени, 11 асистенции и десет скока беше најдобар во редовите на шампионот, додека кај поразените Лаури Марканен заврши со 27 поени.
До трипл-дабл учинок стигна и Лука Дончиќ во гостинската победа на неговиот Далас маверикс над Мемфис Гризлис. Словенецот мечот го заврши со 35 поени, 12 скока и исто толку асистенции. Кај Гризлис по 30 постигнаа Џексон и Бејн.
Во останатите мечеви од синоќешната понуда: Индијана – Чикаго 105-112, Вашингтон – Бостон 107-126, Шарлот – Бруклин 121-133, Торонто – Портланд 91-99, Атланта – Минесота 127-113, Оклахома – Детроит 124-112, Њу Орлеанс – Голден Стејт 102-130, Милвоки – Мајами 122-114 и ЛА Лејкерс – Орландо 106-103.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
