Грчките фудбалски судии и колегите од ВАР одржаа средба со претседателот на Грчката фудбалска федерација, Панајотис Балтакос, на која беа предложени безбедносни протоколи за судиите.
Тие се вкупно седум, кои суперлигашот во соработка со полицијата ќе треба да ги спроведе за сите судии од следната сезона. Грчките судии во моментов се во бојкот поради смртни закани кон еден од нив, па викендов нема да има натпревари од Суперлигата, но првенството би можело наскоро да продолжи. Грчката фудбалска федерација излезе со соопштение по состанокот со судиите на кој двете страни се договорија да воведат нови мерки за заштита на судиите на стадионите.
Ова се седумте барања на судиите кои наскоро ќе се спроведат во организацијата на натпреварите:
– Судиското делегирање ќе биде отповикано и нема да се игра натпревар од клуб кој покажува незадоволство од судиите назначени со претходна најава.
– Полицаец од одделот за спортско насилство секогаш ќе биде присутен во судиските соблекувални на сите натпревари од Суперлигата.
– Фудбалската федерација ќе обезбеди обезбедување на судиите преку приватни агенции за лична заштита, доколку тоа го побараат судиите.
– Фудбалската федерација се обврзува да надомести материјална и каква било штета што ја претрпеле судиите (ова се однесува на случаи кога хулигани доаѓале пред судиските домови и фрлале молотови коктели и камења).
– Построги санкции за секој кој на каков било начин ги напаѓа судиите. Грчката ФА ќе побара од ФИФА и УЕФА промена на одредени прописи во нејзините статути.
– Итно спроведување на нови процедури за професионални судии од страна на ФФ на Грција во рамките на Федерацијата, за да бидат целосно спроведени во следната сезона.
– Правниот тим на Грчката фудбалска федерација ќе им биде на располагање на судиите и нивните помошници до јуни 2024 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
