Вчера Аталанта одигра нерешено 4-4 против Торино, во неверојатен натпревар во Серија „А“, со што Аталанта направи чекор назад од излезот во Европа следнат асезона.
Тимот од Бергамо го освои 55-тиот бод, со што заостанува еден бод од Лацио кој во моментов е на местото кое носи во Лигата на Конференции, и три помалку од Рома на местото кое носи во Лигата на Европа.
Аталанта после натпреварот имаше замерки кон судењето.
„Знаевме дека Торино ќе ни направи неволја, а мечот испадна спектакуларен. Ако кажеме дека сме незадоволни од арбитражата, ќе излезе дека плачеме. Но, оваа сезона често се среќаваме со вакви ситуации, а многу од нив беа игнорнирани од сите, и од медиумите. Веројатно нервираме некого кога ќе се искачиме горе на табелата. Но, ќе продолжиме да се бориме“, рече помошникот тренер на Аталанта, Тулио Грити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
