Од Кројф и Ди Стефано до Меси и Роналдо – Ѕвезди кои ја пишуваат историјата на „Ел класико“

Времето застанува кога овие два великани ќе се судрат, Реал Мадрид и Барселона во сабота (13:00 часот) ќе ги одмерат силите во 236. „Ел класико“, неофицијално најголемото фудбалско дерби во светот. Овие два клубови делат 90 години историја полна со политика, култура и други разлики кои го прават овој настан толку воздбудлив и речиси е невозможно да се дочека самиот почеток на пресметката.

Пред се, заштитниот знак на „Ел класико“ од секогаш биде најдобрите фудбалери на светот, кои низ годините ги воодушевувале сите фудбалси фанови со своите магични потези.

Од Кројф и Ди Стефано до Меси и Роналдо – Ова се 10. фудбалски ѕвезди кои го обележиле дуелите помеѓу Реал и Барса.

Лионел Меси – Барселона

Меси е најдобриот стрелец во историјата на „Ел класико“ – Дури 24. пати ја тресел мрежата на „кралевите“ вклучувајќи ги и последните два гола кои ги постигна во април, кога со својот втор гол во последните секунди од средбата го реши победникот на „Сантијаго бернабеу“, па ја изведе познатата прослава соблекувајќи го дресот пред фановите на Реал.

Кристијано Роналдо – Реал Мадрид

Да беше Роналдо роден во некоја друга ера, ќе беше апсолутно најдобриот фудбалер на својата генерација. Наместо тоа, сите признанија, награди, трофеи ги дели со Меси. Има постигнато седум подогоди (17) помалку од „10ката“ на Барса на „Ел класико“, но затоа е рекордер по бројот на последователни натпревари на кои ги совладувал голманите на каталонскиот гигант – постигна седум погодоци на шест меча во 2012 година.

Диего Марадона – Барселона

Аргентинскиот гениј само две сезони беше во редовите на Барселона, неговиот престој на „Камп ноу“ се памети по бројните проблеми – на теренот и вон него.

Сепак, најмногу ќе се памети како првиот играч од Барселона на кој навивачите на Реал му ракоплескале. Тоа се случи во 1983 година кога Марадона го издрибла голманот на Реал Аугустин, и наместо да ја смести топката во празната мрежа, Диего направи дополнителна финта со која го исфрли дефанзивецот Хуан Хосе од игра кој буквално се залепи за стативата. Топката секако влезе во мрежата, само што Марадона го оддложи славјето за момент.

Алфредо Ди Стефано – Реал Мадрид

Еден од најдобрите играчи на Реал на сите времиња повеќе од една деценија го носеше „кралскиот“ дрес. Осум пати беше првак на Шпанија и шест пати ја освојушае Европа. Ди Стефано беше најдобриот стрелец на „Ел класико“ со 14 погодоци, пред да стапат на сцената Меси и Роналдо.

Пред своето доаѓање во Реал во 1953 година, Ди Стефано требаше да потпише за Барселона, дури и одигра еден пријателски меч во каталонскиот дрес, а легендата вели дека шпанскиот диктатор Франко лично интервенирал за да го доведе во главниот град и да заигра за „кралевите“.

Роналдињо – Барселона

Навивачите на Реал Мадрид му аплаудираа и на Роналдињо, 22 години подоцна откако тоа го направија за Марадона. Тогашната „10ка“ на Барса ги совлада „галактикосите“ со два незаборавни гола на „Ел класико“ во 2005 година во победата од 3-0 на „Сантијаго Бернабеу“. Мрежата ја погодуваше на четири последователни натпревари против Реал во периодот од 2004 до 2006 година.

Мануел Санчис – Реал Мадрид

Санчис беше член генерацијата која доминираше со шпанскиот фудбал во 80-те години, заедно со Емилио Бутрагенјо, Мичел, Мартин Васкес и Мигел Пардес. Санчис е играчот кој настапил на најмногу „Ел класико“ средби, дури 43 пати бил дел од „гладијаторската“ битка, а кариерата ја заврши во 2001 година.

Чави Ернандез – Барселона

Чави вториот играч по број на настапи на „Ел класико“, заостана само еден меч зад Санчис. Со својот талент инспирираше цела генерација на фудбалери на Барса.

Чави беше срцето на „тики-така“ филозофијата која ја покори Шпанија, Европа, па и светот. Целата европска кариера ја мина во дресот на „каталонците“, а освои осум шпански првенства и четири трофеи во Лигата на шампиони.

Ференц Пушкаш – Реал Мадрид

Унгарскиот голгетер беше меѓу најдобрите играчи во своето време. Постигна 622 гола на 629 натпревари во кариерата, од кои 14 се против Барселона носејќи го дресот на Реал. По неговото доаѓање од Хонвед, Пушкаш три сезони (од 1959 до 1962 година) во низа постигнуваше најмалку 40 погодоци по сезона. Магазинот „Ворлд сокер“ го прогласи за седми најдобар играч во 20. век.

Јохан Кројф – Барселона

Откако Кројф пристигна од Ајакс во 1973 година, во истата сезона допринесе Барселона да ја освои првата титула во Шпанија по 17 сезони пост. Постигна и еден гол во славната победа од 5-0 над Реал, но Кројф најмногу ќе се памети како еден од највлијателните играчи во историјата на клубот, и како играч и како тренер. Како стратег го изгради претпознатливиот стил игра кој Барселона и до денешен ден го негува.

Раул Гонзалез – Реал Мадрид

Во историјата на Реал, само Ди Стефано и Кристијано Роналдо имаат постигнато повеќе голови против Барселона, Раул зад себе има 15 погодоци против „каталонците“. Раул е единствениот фудбалер кој три пати е прогласен за најдобар напаѓач во Европа според УЕФА. Неговите голови во клучни моменти и неговата лојалност кон клубот се причините зошто е миленик меѓу фановите на Реал.