18-годишната ѕвезда на Баерн Ленарт Карл најде место меѓу 26-те играчи што тренерот Јулијан Нагелсман ги покани да играат на Светското првенство, но тој нема да игра на турнирот.
Вчерашниот тренинг во Чикаго му го уништи сонот на овој тинејџер. Тој се повреди и го скина бутниот мускул.
Карл, според сите извештаи, веднаш ќе се упати кон Германија, а во националниот тим ќе биде заменет од 20-годишниот играч на РБ Лајпциг, Асан Уедраого.
Повикот го чекаше ова младо момче додека беше на одмор во Шпанија. Нагелсман буквално го повика од плажа и тој ќе игра на Светското првенство, иако очигледно не го очекуваше тоа.
Асан Уедраого е еден од најталентираните млади фудбалери во Германија. Тој помина низ младинските селекции на Шалке, а од 2024 година стана член на РБ Лајпциг, каде, сепак, не беше стандарден во изминатата сезона и неговата покана дефинитивно е изненадување.
Тој имаше проблеми со повреди, играше само двапати 90 минути, а на вкупно 20 настапи има четири гола и четири асистенции.
Уедраого денес ќе замине за САД. Тој ќе се приклучи на тимот пред Светското првенство и доби шанса што не ја очекуваше.
Младиот фудбалер одигра еден натпревар за А-тимот на Германија. Дебитираше во ноември минатата година против Словачка и постигна гол на своето деби во кое одигра само 13 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
