Одбојкарската репрезентација на Македонија стигна до третиот триумф во овогодишното издание на Европската лига откако нашата национална селекција ја оправда фаворитската улога против Косово, славејќи со максимални 0-3 во сетови.
Домашниот терен беше адут на косовските одбојкари, но македонските репрезентативци одиграа квалитетен меч во кој јасно покажаа дека противникот е недораснат за да им парира.
Особено импресивно делуваше првиот сет во кој на домаќините им дозволивме да освојат само 12 поени, вториот заврши 19-25 за Македонија, додека во третиот се водеше најизрамнета битка, за Македонија на крајот да слави со 25-27.
Никола Ѓоргиев со 15 поени беше најефикасен во нашиот состав, Стојан Илиев реализираше 11 поени, а Савовски го заврши мечот со осум освоени поени.
Македонија утре во истиот термин и на истиот терен ќе го одигра и последниот меч за оваа сезона во Европската лига против селекцијата на Израел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
